चितवन, चैत्र ५ । नेपाल कै पहिलो निकुञ्ज चितवन राष्ट्रिय निकुञ्ज क्षेत्रभित्र लाग्ने एक मात्र विक्रम बाबा मेला आजदेखि सुरु भएको छ ।
चैते दशैंको अवसरमा लाग्ने निकुञ्ज मुख्यालयमा हरेक वर्ष लाग्ने विक्रम बाबा मेला आजदेखि सुरु भएको हो । चैते दशैको अवसरमा हरेक वर्ष सो क्षेत्रमा विक्रम बाबा मेला लाग्ने गर्दछ । मेलामा विहानै देखि दर्शनालुको उल्लेख्य सहभागिता रहेको आयोजनकले जनाएको छ ।
मेलामा होटल, खुद्रा सामाग्री, कपडा लगायतका स्टलहरु रहेका छन् । विक्रम बाबा मेला १५ दिन सम्म चल्ने छ । बिक्रम बाबा परापुर्व काल देखि थारु जाति पुजा गर्ने भएपनि पछिल्लो समय अन्य जातजातीहरुको पनि यसमा आस्था बढेर गएको छ ।
बिक्रम बाबामा दर्शन गर्नाले सन्तान प्राप्ती, सुख लगायत मनोकांक्षा पुरा हुने विश्वास गरिन्छ । विक्रम बाबाको पूजा परापूर्वकालदेखि थारु जातीले गर्ने भए पनि पछिल्लो समय अन्य जातजातीको पनि यसमा आस्था बढेको देखिन्छ ।
किम्बदन्तीका अनुसार विक्रम नाम गरेको आदीबासी (गुरौ) बाघको आक्रमणबाट ज्यान गएको ठाउमा पुजा गरे भाकल पूरा हुने, परिवारमा शान्ति, सन्तान प्राप्ति, मनोकामना पूरा हुने विश्वास छ ।
चैते दशैको अवसरमा हजारौँ भक्तजनले विक्रम बाबा दर्शन गर्ने र पशु पंक्षि बली दिने गर्दछन् । मेलामा चितवनसहित नवलपुर, नवलपरासी, तनहुँ, लमजङ, गोर्खा, मकवानपुरलगायतका जिल्लाबाट दर्शनार्थी तथा भक्तजन आउने गर्छन् । साथै छिमेकी राष्ट्र भारतबाट पनि दर्शनार्थी तथा भक्तजनहरु आउने गर्छन् ।
