रत्ननगर । चुनाव जितेर नेतृत्व सम्हालेको छोटो समयमै रत्ननगर खानेपानी तथा सरसफाइ उपभोक्ता संस्थाका नवनिर्वाचित अध्यक्ष दिपकराज पौडेलले उपभोक्ताको मन जित्ने ‘धमाकेदार’ निर्णय सार्वजनिक गरेका छन्। सातौँ निर्वाचनबाट आएको नयाँ नेतृत्वले पहिलो बैठकबाटै राहतको वर्षा गर्दै महसुलदेखि नयाँ धारा जडानसम्म भारी छुट घोषणा गरेको हो।
संस्थाको निर्णयअनुसार २०८३ जेठ महिनाको खानेपानी रिडिङ महसुलमा न्यूनतम ८० रुपैयाँ छुट दिइनेछ। यस्तै, जेठ १ गतेदेखि एक महिनासम्म नयाँ धारा जडान शुल्क रु ८५०० मा ५० प्रतिशत छुट लागू हुने भएको छ।
यति मात्रै होइन, भूमिहीन उपभोक्ताका लागि समेत विशेष सहुलियत घोषणा गरिएको छ। ४२५० रुपैयाँ शुल्कमा ५० प्रतिशत छुट दिने निर्णयसँगै विपन्न वर्गलाई प्रत्यक्ष राहत पुग्ने अपेक्षा गरिएको छ।
नयाँ नेतृत्वले पदभार सम्हाल्नासाथ जनताको पक्षमा आक्रामक निर्णय लिएपछि रत्ननगर क्षेत्रमा यसको व्यापक चर्चा सुरु भएको छ। “चुनावअघि बोलेका कुरा अब कामबाट देखिन थाले,” भन्दै स्थानीय उपभोक्ताले नयाँ कार्यसमितिको खुलेर प्रशंसा गर्न थालेका छन्।
अध्यक्ष दिपकराज पौडेल नेतृत्वको यो निर्णयलाई रत्ननगर खानेपानीको इतिहासमै उपभोक्तामैत्री, साहसिक र प्रभावशाली कदमका रूपमा हेरिएको छ।
सम्वन्धित समाचारहरु
प्रतिकृया दिनुहोस्